nestionl

संवैधानिक अधिकारको प्रयोग गर्दै मङ्गलबार महान्यायाधिवक्ता दीनमणि पोखरेलले रवि लामिछानेविरुद्ध राहदानी दुरुपयोगमा मुद्दा नचलाउने निर्णय गरे । प्रधानमन्त्री पुष्पकमल दाहाल ‘प्रचण्ड’लाई रास्वपाले विश्वासको मत दिएकै दिन महान्यायाधिवक्ताले रास्वपाका सभापति रहेका लामिछानेविरुद्ध मुद्दा नचलाउने निर्णय गरेका हुन् । अमेरिकी पासपोर्ट रहेकै बेला नेपाली पासपोर्ट बनाएको भन्दै लामिछानेविरुद्ध प्रहरीले अनुसन्धान गरिरहेको थियो । पूर्वगृहमन्त्रीसमेत रहेका लामिछानेविरुद्ध रहेको राहदानी कसुरमा मुद्दा नचलाउने राय जिल्ला सरकारी वकिल काठमाडौंलाई पठाएको थियो । सरकारको प्रत्यक्ष प्रभाव रहने जिल्ला सरकारी वकिलहुँदै उच्च सरकारी वकिल कार्यालयले पनि लामिछानेलाई मुद्दा नचलाउने निर्णय गरेर महान्यायाधिवक्ता कार्यालय पठाएको थियो । जिल्ला र उच्च सरकारी वकिलको निर्णयलाई सदर गर्दै महान्यायाधिवक्ता पोखरेलले समेत लामिछाने...