Thursday, March 30
Shadow

आफैँसँग विवाह गर्ने क्षमा को हुन् र यस्तो किन गरिरहेकी छिन् ?

सोलोगामी, एउटा यस्तो विवाह हो जसमा एक व्यक्तिले आफैंसँग विवाह गर्ने गर्छन् । पछिल्ला केही वर्षमा यो प्रचलन पश्चिमी देशहरूमा तीव्र गतिमा बढेको भए पनि अहिले भारतमा पनि पुगेको छ ।

जुन ११ मा भारतमा यस्तै एउटा विवाह हुनेछ । क्षमा बिन्दुले जुन ११ मा गुजरातको वडोदरा सहरको एक मन्दिरमा पूर्ण हिन्दू रितीरिवाजका साथ विवाह गर्दैछिन् ।

मैले उनीसँग कुरा गर्दा उनी घरमै थिइन् । उनले फोनमा जुन ११ मा रातो पहिरन लगाउने, हातमा मेहन्दी लगाउने र रातो सिन्दुरले आफ्नो सिन्दुर भर्ने बताइन् । । अग्निलाई साक्षी राखेर उनले सात फेरा पनि लिनेछिन् ।

विवाह अघिका सबै संस्कार पूरा हुनेछन् । अरू विवाहमा जस्तै । हल्दी समारोह हुनेछ, सङ्गीत र मेहन्दी समारोह हुनेछ । विवाह अघिका संस्कार आवश्यक छन् भने विवाहपछको हनिमुनमा जाने संस्कार पनि छ र क्षमा हनिमूनमा गोवा जानेछिन् ।

उनी विवाहपछि दुई सातासम्म हनिमुन मनाउने योजना बनाएका छन् । २४ वर्षकी साक्षी समाजशास्त्रकी विद्यार्थी हुन् । यससँगै उनी ब्लगर पनि हुन् ।उनी भन्छिन्, ‘धेरै मानिसहरूले मलाई म राम्रो ‘क्याच’ हुँ भन्छन्, त्यसैले म उनीहरूलाई भन्छु ‘हो, त्यसैले त मैले आफूले आफैंलाई रोजें ।’

आफूसँग बिहे गरेपछि सारा जीवन आफूलाई मायामा बिताउने बताएकी छिन् । उनी भन्छिन्,‘आफैंसँग विवाह गर्नु भनेको आफैंसँगको प्रतिज्ञा हो । सधैं आफ्नो लागि रहने वाचा पनि हो ।

एउटा प्रतिज्ञा जसमा तपाईंले आफ्नो लागि जीवन र जीवनशैली छनौट गर्नुहुन्छ जसले तपाईंलाई हुर्कउन र बढ्न मद्दत गर्दछ, ताकि तपाईं जीवन्त, सुन्दर जीवन बिताउन सक्नुहुन्छ । र भित्रबाट सन्तुष्ट जीवनयापन पनि ।’

कहिले सुरु भयो सोलोगामी ? उनी भन्छिन्, ‘म मेरो हरेक आयामलाई हृदयदेखि स्वीकार गर्छु, यो व्यक्त गर्ने मेरो आफ्नै तरिका हो । विशेष गरी मेरो कमजोरीलाई स्वीकार गर्ने, चाहे त्यो शारीरिक, मानसिक वा जुनसुकै होस् ।

आफूसँग विवाह गर्नु मेरो लागि निकै गहिरो अनुभूति हो । म भन्न चाहन्छु कि मैले आफैलाई स्वीकार गरें ।।। पूर्ण रुपमा । मेरा कमजोरीहरुलाई पनि ।’क्षमाले उनको परिवारले उनको यो निर्णयलाई स्वीकार गरेको र उनका साथीहरू यो विवाहमा सहभागी हुने बताइन् ।

उनले थपिन्, ‘मेरी आमाले मलाई भन्नुभयो, ओहो १ तिमी त सधैँ नौलो सोच्नुहुन्छ । मेरा आमाबाबु धेरै खुल्ला दिमागका हुनुहुन्छ । उहाँले मलाई आफूहरु यसमा खुशी भएको बताउनुभयो । ’

आफूसँग बिहे गरेको खबर करिब २० वर्षअघि पहिलो पटक सुनिएको थियो । यसबारे क्यारी ब्राडश (अमेरिकी शृंखला सेक्स एन्ड द सिटीको चर्चित पात्र) ले यसको उल्लेख गरेकी थिइन् । तर यो शो कमेडी ड्रामा थियो ।

Leave a Reply

Your email address will not be published. Required fields are marked *